HusmorNom

Stillhet...

2011-12-18T15:59:00.001+01:00

Det har vore veldig stille her på bloggen i det siste, og det er nok 2 grunnar til det.

Permisjonen min er over, og energien er ikkje akkurat på topp når eg kjem heim om ettermiddagen.

I tillegg, har pcen sagt takk for seg, noko som gjer alt som har med bilete å gjere vansklegare.

Eg håpar at me snart får ny pc igjen, slik at eg kan vise fram kva eg har strikka i julegåve...

I mellomtida viser eg eit bilete av Jojo som er ute og sjekker ut kva dette kvite greiene er for noko.

Når en pepperkake baker...

2011-11-17T21:45:00.001+01:00

I år fann eg ut at det kunne vere lurt å starte tidleg med julebaksten.

Om berre nokre få dagar er permisjonen min slutt, og eg kan tenke meg at energinivået om kvelden også vert kraftig endra.

Fyrste slaget ut var pepperkaker.

Det var så kjekt å bake pepperkaker i år!!

Eg hadde jo verdas søtaste lille assistent til å hjelpe meg med bakinga.

Han bakte heilt sjølv (host, kremt....)

ein kakeboks full av små, velsmakande pepperkaker. <3

Jojo storkoste seg med bakinga, og jafsa laus på både kjevlet og formene.

Eg hadde kjøpt nokre søte små former som han fekk bake med.

Legg også merke til det fine forkleet. Mammaen har "sjølvsagt" matchande. :o)

Etter at Jojo var lagt, var det på tide for mor å setje igang med den "seriøse" pepperkakebakinga.

Pepperkakehus må ein sjølvsagt ha når det er jul :o)
Eg har faktisk baka pepperkakehus (med heimelaga deig, ingen kjøpedeig her i gården!)

kvart år sidan eg var 17.
Huset vert framleis litt vindskeivt, men slik skal det vere når det er heimelaga.

Etter at Jojo hadde vore så flink til å bake pepperkaker,

syns eg nesten at han måtte få ein bitteliten smakebit.

(han har aldri fått noko anne enn skikkeleg babymat, bortsett frå den gongen pappaen gav han muffins då han var 2 månadar!! Då var mor fornøyd...)

Ein halv liten kakegris forsvann inn i munnen, men eg er ikkje heilt sikker på kva han syns.

Det mest positive med det, var at heile gutten lukta pepperkake resten av dagen. <3

Gjett om mammaen snuste litt ekstra då...

Ha ei strålande førjulstid, om du har bakeassistent, eller om du kjøper kakene i butikken!

Cupcake-kurs med Manuela!

2011-11-13T11:20:00.001+01:00

Gjett kva eg gjorde i går!

Eg var på cupcake-kurs med sjølvaste Manuela frå bloggen Passion4baking

Det var kjempekoseleg!!

Her ser de bilete frå kurset.

Manuela er kanskje i overkant glad i rosa? :o)

Kurset var (for meg) kjempeflott, og det var kjekt å få prøve seg på pynting med perler, fondant-former og frosting.

Her mine muffins.

Dessverre var frostingen som Solbrød hadde laga til oss, ikkje så veldig lett å sprøyte fint på, men eg fekk då prøvd nokre teknikkar.

Eg gledar meg til å prøve meir heime, i mitt eige kjøkken, då gjerne med ein kremost-frosting.

Eg måtte sjølvsagt få det "obligatoriske" bilete ilag med Manuela sjølv.

Her ser det også bilde av muffinsane som dei andre på kurset pynta.

Heilt til slutt, vil eg berre dele eit bilete av

den lille bade-Jojoen min! <3

Årets julemiddag er sikra

2011-11-13T11:08:00.001+01:00

(ADVARSEL! Om du ikkje tåler bilete av rått kjøtt, må du bla fort forbi dette innlegget!)

Den siste veka har eg lest nyeheter om at julemiddagen står i fare for fleire nordmenn.

Heldigvis slepp me unda dette problemet, sidan me lagar vår eigen julemiddag!

Min gamle norsklærar har sauer, mams og paps kjøper to ferdig slakta lam av han,

og VIPS er middagen sikra...

Eller, det vil seie, det gjenstår nok litt arbeid.

Fyrst må kjøtet parterast, så skal det ligge i salt ei stund, før det vert røykt og hengt til tørking.

No har me frysen full av fårikål-kjøt, suppekjøt og lammelår, medan pinnekjøtet heng til tørk heime hos mams og paps.

MMMMM!!! Gledar meg til julemiddag!!!

For å vise at me har starta å komme i julestemning...

Eg vil ynskje alle ein strålande farsdag!!

Noko muffens...

2011-11-07T16:06:00.003+01:00

Ei veninne av meg hadde dåp 23.oktober, og eg fekk lage muffins til denne.

Då dei samtidig skulle feire 4 årsdag, vart det nokre blå muffins, og nokre rosa.

Utifrå det eg har høyrd, falt dei godt i smak. :o)

Oppskrifta er den "vanlege" Vanilla cupcakes frå Magnolia Bakery.

Du finn oppskrifta på den glutenfrie versjonen HER, det er berre til å byte ut glutenfritt mjøl, med vanleg kveitemjøl.

I det siste har eg og Jojo vore litt på farten. Me var ei veke heime hos foreldra mine.

Jojo syns det var kjempekjekt å besøke mormor og morfar.

Mormor fekk bade han og kosa med skatten, morfar fekk mate han og sove middag ilag med han. :o)

Då me var der, merka eg at han begynte å rulle, og styre på i senga, sjølv med sovepose på.

Dermed fann eg ut at det var på tide å senke senga heime.

Eg trur han syns det var litt rart, men han har ikkje hatt noko vanskeleg med å sove i den "nye" senga si.

Ellers er Jojo ein liten lurifaks, som suser rundt og smakar på altifrå støvsugar, tøflar,

gamle xbox-spelarar, stolbein, bordbein og det han ellers skulle få tak i.

I morgon skal me på barselgruppe,

og eg er kjempespent på få vite kor stor han har vorten sidan sist.

Forrige gong han vart målt, var han 6mnd og ei veke, og han var 10.170gr, og 72cm.

No er han vorten 7 1/2 månad, og eg kan nesten sjå at han har vorten lengre, men eg håpar nesten at vekta har roa seg litt no, når han er vorten meir mobil.

Foreløpig er det berre snakk om åling, men han trekkjer knærne meir og meir under seg, så snart susar han nok rundt på eit nytt gir!

Håpar du har ein flott dag!

Strikkeri, strikkera

2011-11-07T15:24:00.000+01:00

Eg får då tid til litt strikking innimellom.

Jojo har lært seg å åle, så no er ikkje tilværelsen like roleg som før.

Han fyk rundt her, og smakar på alt. Spesielt fasinert er han av støvsugaren.. (av alle ting...) Håpar det er ein fasinasjon som held seg, slik at han kan ta over støvsuginga her i huset så snart han er stor nok. :o) (husarbeid er ikkje det kjekkaste eg veit)

Men det var strikking eg skulle skrive om no. :o)

Ei veninne av meg er fadder til ein liten gut, og ho ba meg om å strikke ei monsterbukse,

som ho kunne gje i julepresang.

(eg, som egentleg ikkje strikkar på bestilling, har plutseleg strikka 2 bestillingar på kort tid!)

Eg er eigentleg frykteleg dårleg på å brodere maskesting, men heldigvis vart det betre denne gongen. Tennene er ikkje heilt supre, men fekk det betre til på augene.

Buksa er strikka i Silja frå Spar Kjøp.

I det siste har eg faktisk strikka noko til meg sjølv og! Eit deilig mjukt sjal, i Lace-garn frå Drops.

Eg brukte ei oppskrift på eit "vanleg" sjal, som eg sydde saman i kortendane.

Deilig og mjukt, og vert nok godt å ha under ei jakke, eller når eg spring rundt i gangane på jobb ( noe er det berre 2 veker igjen! :o/)

Slenger med eit bilete (eller 3 i 1) av ein av dei få fine haustdagane me har hatt her i Bergen.

Håpar alle får ein strålande dag!!

Oppskrift på eplekakemuffins

2011-10-17T12:51:00.002+02:00

Før helga bakte eplekakemuffins igjen.

Dei har vorte ein stor favoritt hos husbond, og då han ville ha med seg nokre på jobb, og me i tillegg skulle få besøk av svigermor på søndag, passa det jo bra.

Om du også vil lage eplekake i porsjonstørrelse, kan du bruke denne oppskrifta.

Du treng:

3 egg

1 1/2 dl sukker

1 dl mjølk (eller vatn)

50gr smelta margarin

1 ts vaniljesukker/ekstrakt eller 1/2 ts sitronsaft

3 dl kveitemjøl

1 ts bakepulver

3-4 epler (Helst raude, gjerne norske epler)

*Pisk egg og sukker til eggedosis.

*Ha i mjølk, vaniljeekstrakt og margarin, og rør rundt.

* Bland kveitemjøl og bakepulver, før du siktar det i røra.

*Fyll muffinsformene 2/3 fulle.

*Ta skalet av eplene, og skjær dei opp i små eplebåtar som du stikk nedi muffinsformene.

*Dryss kanel og sukker over, før du steiker dei på 180gr i ca 30 min.

Desse smakar best når dei er litt lunka, og det går heilt fint å fryse dei, og varme dei i ovnen.

Husbond likar å ete dei med vaniljesaus til.

Enjoy! :o)

Nøstebarndress

2011-10-17T12:36:00.002+02:00

"Endeleg" vart eg ferdig med Nøstebarndressen.

Egentleg har eg ikkje brukt så lang tid på den, 1-2 veker der eg ikkje har fått strikka så mykje,

men det føles liksom som at den har tatt så lang tid...

Trykk på bilete for å få det større.

Dressen er strikka i det nye garnet Jade frå SparKjøp.

Det består av 70 % ull, og 30% alpakka.

Eg strikka den i str. 2 år, og eg ser at det var bra, for den er ikkje så mykje for stor til

min snart 7 mnd gamle gutt.

(no skal det nevnast at han var 10.170gr og 72cm lang på 6 mnd. kontroll..)

Eg har strikka dressen for å ha den som barnehagedress (om han får plass etter jul).

Eg har jo Marius-dressen, men den er rett og slett for fin til å bruke i barnehagen... :o)

Fargen er fin, pertolblå, som på det midterste bilete, og eg har brukt treknappar med sau på.

Eg har også "pynta" den litt med eit lite monster (som tydeleg viser at eg MÅ øve meg på maskesting!!)

Denne dressen skal nok også få ei matchande lue, men fyrst må eg strikke ei monsterbukse på bestilling.

Slenger med eit "strikk-i-bruk"- bilete av bodyen eg strikka i fjor sommar, då Jojo berre var eit lite frø i magen.

Den er heilt passeleg no, og er grei med tanke på at Jojo har begynt å åle seg framover, og sjeldan ligg i ro på leikematta lenger. Mønsteret er Den lille klassiker .

I dag har eg og Jojo ein skikkeleg innedag. Stakkar liten har vorte snylta forkjølt, og når eg ser ut på det ufyselege regn/haglvære ute, så er det eigentleg heilt greitt.
Ha ein strålande dag!!

Striper, striper, striper!!

2011-10-04T21:10:00.004+02:00

For ikkje lenge sidan strikka eg ein stripete rullegenser til Jojo.

Heldigvis hadde eg garn igjen etter denne, så då måtte eg jo strikke matchande

lue og sokkar.

I sommar strikka eg ein Mariusdress til Jojo.

No var det på tide å prøve den igjen.

Då eg strikka den, var den kjempestor til han, og han svømte nesten i den. Men no hadde eg jo strikka den i 1,5 -2 år!

Den er heldigvis ikkje for liten, og den vil nok passe fint i vinter, men jammen er det bra at eg ikkje strikka den mindre!!

Lille, store gutten min! <3

Barnehagevottar

2011-10-04T21:04:00.000+02:00

Her hi veka fekk eg ein førespurnad får ei gammal klasseveninne frå gymnaset, om eg kunne strikke eit par vottar til ho. Ho jobbar nemleg i barnehage, og trong vottar!

Ikkje berre vanlege vottar, men vottar med hanskar inni.

Heldigvis har eg strikka slike vottar før, då me fiskemønster på.

Desse skulle strikkast heilt plain.

Den vanlege frasen frå "ikkje-strikkarar":<< du kan berre bruke restegarn>> vart også slengt ut.

(Dei som strikkar sjølv, veit at å bruke restegarn ikkje er berre,berre. For det fyrste må ein ha garn som er i same tjukkelsen, dessutan får ein eitthundreogfjørti trådar å feste, når ein strikkar med mange fargar.

Til opplysning, trådfesting er KJEDELEG!!

Heldigvis har eg eit bittelite garnlager, så det var ikkje så vanskeleg å finne noko garn som var brukande.

Vottane har no komt fram til sin nye eigar, og jammen meg vart ho ikkje fornøyd også. :o)

Då får me berre håpa at dei gjer jobben sin, og klarar å halde ho varm og god

i ein travel barnehagekvardag!

Forandring fryder!

2011-10-04T20:55:00.000+02:00

Då me kjøpte leiligheta vår, for 3 år sidan, var me begge klar på at me burde pusse opp både badet og toalettet.

Men, som kanskje andre også har erfaring med, så tar ting tid.

Då me flytta inn malte eg 2 soverom. Etterkvart har også gangen fått eit strøk med maling.

No var det toalettet som sto for tur!

Som de ser, så var jo toalettet fantastisk flott... Beige, og burgunderraude veggar, med ei nyyyydeleg bord på midten...

Me hengte opp nokre bileter for å hjelpe litt, men det såg jo framleis... mindre bra ut.

Teppe på golvet er nødvendig, då det ikkje er varmekablar under flisene,

og alle dei som har prøvd å gå barbeint på fliser

når ein lister seg ut på do midt på natta, forstår at teppe er gull verdt!

Brrrrr!

Eg har måla rommet med akrylmåling i fargen Skyggeblå.

Spegelen, som før var gullfarga, har fått 2 lag med svart spraymåling.

Det same har dorullholdaren, og handkle-kroken.

Eg har også hengt opp ei hylle (den burde vel strengt tatt hengt 2 cm høgare, men slik går det når ein er utålmodig, og vil gjere alt sjølv!)

Eg må sei at eg faktisk er svært nøgd med resultatet.

I går var eg litt redd for at det vart for mørkt, men når eg tok vekk papiret på golvet, og fekk hengt opp bileta og spegelen igjen, vart det veldig fint. Om eg skal sei det sjølv... :o)

Listene skal etterkvart få seg eit lag med kvitmåling, men det får bli når hovudet, halsen og øyrene sluttar å verke.

(Å male med feber er ikkje å anbefale!)

No må eg berre svinse over golvene med ein støvsugar, så er me klare for besøk av mamma i morgon!

Skummelt gode scones

2011-09-26T13:21:00.000+02:00

På onsdag får eg besøk av nokre snupper og snapper, så då tenkte eg å servere litt lunch.

Fyrst lurte eg på å kjøpe frosne rundstykkker, men det er jo vel så lettvint, og mykje betre med heimelaga scones!

Eg brukar oppskrifta frå heimkunnskapen på skulen.

5dl kveitemjøl

1 ss margarin

1ss sukker

3 strøkne ts bakepulver

1/4 ts hornsalt

1/4ts salt

2 dl kulturmjølk

Smuldre kveitemjøl og margarin, før du har i resten av dei tørre ingrediensane.

Ha i kulturmjølk og elt til du får ein jevn deig.

Scones treng ingen heving.

Eg formar dei som små bollar, før eg penslar dei med lunka vatn.

Steik på 220*c i ca 15 min.

Scones smakar nyyydeleg med syltetøy eller ost på.

Eg må også nytte høve til å vise fram det flotte kunstverket som kom i hus i går.

Lille Jojo på 6 mnd og 1 veke, teikna denne flotte teikninga i går! :o)

Den har allereie fått heidersplassen på kjøleskapet! <3

Kunstnaren ligg på matta si no, og prøver iherdig å dra beina under seg. Det er ikkje så lett når rumpa er så tung. :o) I morgon skal me på 6 mnd kontroll,

og eg er spent på å sjå om vekta har bikka 10 kilo.

Han var 9310 for ein månad sidan...

Ynskjer alle ei strålande veke (sjølv om været kan vere noko deprimerande...)

Engelsk kyllingpai med smak av sitron

2011-09-24T20:28:00.002+02:00

I vinterferien 2010 var eg og husbond ein tur til London.

Då var me innom ein lokal pub for å ete middag ein dag, og eg åt den beste kyllingpaien eg har smakt!

Etter me kom heim, starta eg søket etter oppskrift på ein slik pai, og jammen fant eg den! :o)

Kyllingpai med purre og sitron

Lag fyrst paibunn:

125gr smør/margarin

200gr kveitemjøl

2ss vatn

*Smuldre smør og mjøl. Tilsett kaldt vatn, og lag ein jevn deig.

* La deigen stå kaldt i ca 30 min.

Forvarm ovnen til 190*c

Til fyllet treng du:

ca 4 kopper kokt kylling (eg bruker 3-4 kyllingfilètar som eg skjærer i bitar,

og kokar i vatn ilag med ein terning kyllingbuljong)

8 fedd kvitlauk

3 purrelauk

1/4 kopp smør

1/4 kveitemjøl

2 koppar kyllingkraft (krafta du har kokt kyllingen i)

1 ss sitronsaft

1 ts sitronskal

1/4 kopp fløyte

salt og pepar

egg til pensling

*Legg kvitlauk i kaldt vatn. Kok i 1 min, sil og kutt opp.

*Skjær purre opp i ca 1 cm store bitar.

*Steik purre og kvitlauk i smør til det har begynt å mjukne.

*Rør inn mjøl og steik til gylden, ca 4 minutt. Tilsett smør om nødvendig.

*Rør inn kyllingkraft, sitronsaft og sitronskal.

*Kok opp, tilsett fløyte og kok i ca 5 min.

(No passar det å kjevle ut paideigen!)

*Smak til med salt og pepar før du rører inn kyllingen.

*Hell i former, legg paideig over (ca 5 mm tjukk)

*Prikk hol med ein gaffel før du penslar med egg.

* Steik i ca 30-35 min.

Vel bekomme!! :o)

Oppskrift på glutenfrie muffins

2011-09-24T18:05:00.000+02:00

Her kjem oppskrifta på glutenfrie muffins.

Den er helt lik oppskrifta på Vanilla cupcakes frå Magnolia Bakery, men ein bytter sjølvsagt ut vanleg kveitemjøl med glutenfritt mjøl.

Eg kjøpte Toro sin fine Kakemiks.

Til røra treng du:

4 egg

4 dl sukker

250gr romtemperert margarin

2 dl mjølk

3ts bakepulver

6 dl glutenfritt mjøl

1 1/2 ts vaniljeessens (har du ikkje essens, kan du bruke vaniljesukker. Det er også glutenfritt. :o) )

*Forvarm ovnen til 175*C

*Sett 24 cupcakeformer i 2 muffinsbrett.

*Rør margarin og sukker kvitt. Visp til du har fått ein mjuk og luftig konsistens.

* Visp inn eggene, eitt av gongen.

*Tilsett mjølka vekselvis med mjøl og bakepulver

*Tilsett vaniljeessens

*Fyll formene ca 2/3 fulle

*Steik kakene midt i ovnen i ca 20 min.

Frosting

250gr romtemperert margarin

2 ts vaniljeessens

1 dl mjølk

12-16dl melis

*Visp margarinen luftig

*Tilsett vaniljeessens

*Tilsett vekselvis sikta melis og mjølk.

Bland inn nok melis til at frostingen får ein kremaktig konsistens.

Eg fekk veldig gode tilbakemeldingar på desse, og kan dermed anbefale dei på det varmaste.

Ha ei strålande helg!

Skjønn i grønn

2011-09-22T09:42:00.001+02:00

Vinteren nærmar seg med stormskritt, og behovet for tjukkare klede melder seg.

Eg har strikka ei tjukk og god jakke til Jojo.

Mønsteret er Kragejakke frå Strikk til Nøstebarn,

og garnet er Eco ull frå Marks & Kattens.

Bileta vart tatt i går, på 6 månadarsdagen til Jojo. Tenk at han er vorte eit halvt år allereie.

Tida går verkeleg skummelt fort!

I dag skal me kose oss på babysvømming.

Ha ein strålande dag!

(oppskrift på muffins kjem seinare...)

Vanilla cupcakes, og glutenfrie cupcakes

2011-09-20T20:59:00.001+02:00

I morgon har eg tenkt å ta meg ein tur for å besøke gode kollegaer på jobb.

Derfor har eg brukt ettermiddagen på å bake litt.

Nokre av mine kollegaer er allergiske mot gluten, så derfor tenkte eg å ta hensyn til dette.

Dei blå muffinsen er glutenfrie med ein delig smørfrosting på.

Dei rosa er vanillacupcakes med ostefrosting på.

Deilige begge to.

Eg kan samtidig reklamere for Toro sin pose med glutenfritt mel.

Eg har ingen erfaring med å bake glutenfritt, men muffinsen vart kjempegod! :o)

Problemet med muffins, er at det er litt vanskeleg å frakte med seg...

Iallefall om ein ikkje har ein slik:

Denne boksen tar 36 muffins, og er absolutt genial!

Eg vurderer allerede om eg skal kjøpe ein til.

No håpar eg berre at alle vert glade når eg og Jojo kjem for å live opp

lunchpausen, på ein heilt vanleg onsdag.

(heilt vanleg er den forsåvidt ikkje, Jojo har faktisk "bursdag" i morgon!

Han er heile 6 månadar i morgon! Store, lille gutten til mamma! <3 )

Eplekakemuffins

2011-09-20T20:23:00.002+02:00

Min kjære husbond er SVÆRT glad i eplekake. Eg er glad i muffins.

Kva gjer ein då?

Ein lager eplekakemuffins!

Eg laga vanleg eplekakerøre, som eg så fordelte i muffinsformer.

Så tok eg epler, skjært opp i tynne båtar, og la oppi kvar muffinsform. Kanel og sukker på toppen, før dei blei satt i ovnen.

Både eg og husbond var fornøyde. Dei smaka deilig!!

Kiwisyltetøy

2011-09-17T16:03:00.000+02:00

I vinterferien i fjor, reiste eg og gubben til London for å besøke familie der.

Då fekk eg smake det beste kiwisyltetøyet eg nokon gong har smakt.

Det var heimelaga, og det var nok grunnen til at det var så god.

Heilt sidan då, har eg gått med store planar om å lage mitt eige syltetøy, og i dag var dagen komen.

Eg kutta opp Kiwi, og hadde det i ei panne.

Medan frukta fekk eit oppkok, blanda eg 2 spiseskeier med Certo syltepulver i ein kopp med sukker.

Då frukta var blitt mjuk, moste eg frukta litt meir, for å unngå altfor store bitar.

Eg tok panna av plata, og rørte inn sukkeret.

Så helte eg syltetøyet over på reine, og varme syltetøyglas.

Som de ser fekk eg 1 1/2 glas ut av ei korg med Kiwi.

I tilfelle du lurar, syltetøyet smakte himmelsk! :o)

Det vert nok ikkje siste gongen eg gjer dette.

Eit ekstra pluss, var jo at det var gjort på nokre få minutt.

Ikkje så verst til å vere fyrste gongen eg lagar syltetøy...

Bestevesten

2011-09-17T13:07:00.000+02:00

Då me var i Sverige i sommar, kjøpte eg ein del garn.

Denne vesten er strikka av noko av "Sverige-garnet".

Oppskrifta er frå Strikk til Nøstebarn.

Heldigvis fekk eg nok garn til både sokkar, og ein hals (halsen har eg dessverre ikkje bilete av no).

Rullende striper

2011-09-17T12:59:00.001+02:00

Det er nok berre til å innsjå det, sommaren er over (var det nokon gong her?), og hausten er komen.

Eg har strikka ein genser til Jojo, som nok skal verte god å ha no utover hausten.

Gensaren er strikka i sjølvstripande Ciao Trunte frå Hjertegarn. Innkjøpt på ferie i Sverige.

Eg syns fargane var nydelege saman, og garnet er akkurat passe tjukt til ein liten gutt.

Oppskrifta eg har brukt er Rullegenser frå Nøstegarn.

Oppskrift på Red Velvet Cupcakes

2011-09-14T20:01:00.003+02:00

Etter innlegget tidlegare i dag, har eg fått fleire spørsmål etter oppskrifta.

Eg har som skrive tidlegare, funne den i boka Cupcakes av Ingrid Hancock Bjerknes

Eg har allerede prøvd fleire av oppskriftene, og eg må sei at eg syns boka er veldig bra. Vel verdt invisteringa, om du er litt interessert i cupcakes.

Men, det var oppskrifta:
12stk

Røra:
1 egg
60gr margarin
150gr sukker
1/2 ts vaniljeessens
1/2 ts eddik
1/2 ts natron
1 1/4 dl kulturmjølk/kefir
125gr kveitemjøl
1ss kakaopulver
Nokre dråpar djup raud konditorfarge

- Forvarm ovnen til 175*C
-Sett 12 cupcakeformer i eit muffinsbrett.
-Visp egg og sukker til eggedosis.
-Tilsett smelta og avkjølt margaring og vaniljeessens.
-I ein kopp, blandar du natron og eddik og har det i røra.
-Tilsett kulturmjølk, kakaopulver og kveitemjøl, og visp godt til røra får ein kremaktig konsistens.
-Tilsett konditorfarge.
-Fyll cupcakeformene 2/3 fulle.
-Steik kakene midt i ovnen i 18-20 min.
-Ta dei ut av ovnen og avkjøl dei i muffinsbrettet i ca 5 min. Sett kakene på ei rist og la dei verta heilt avkjølte.

Frosting
150gr Philadelphiaost
150gr romtemperert margarin
100gr kvit sjokolade
5dl melis

-Smelt sjokoladen i mikrobølgeovn eller vannbad (PASS PÅ! kvit sjokolade svir seg fortare enn vanleg sjokolade!!)
-Medan sjokoladen vert avkjøla, vispar du saman margarin og Philadelphiaost.
-Tilsett melis og sjokolade vekselvis. Pass på at sjokoladen er heilt avkjølt.
-Visp til du får ein kremaktig konsistens.
-Syns du at frostingen ikkje er stiv nok, tilsett meir mjølk.

Vel bekomme!!

Slemme hobbyklubben...

2011-09-14T13:29:00.000+02:00

som sender meg slike bøker:

Slemme, slemme, slemme hobbyklubben, som frister meg til å prøve oppskrifter på muffins som er ALTFOR gode!!

I dag var det Red Velvet cupcakes som vart testa ut. Raude sjokolademuffins, med kvit sjokolade-ostekrem på... SNØFT!

Det var liksom ikkje så lurt, når ein egentleg bør jobbe med å få MINDRE mage, ikkje lage den større ved å ete seg forderva på muffins...

Det måtte jo skje ein dag...

2011-09-09T09:08:00.003+02:00

Heilt ifrå Jojo berre var eit par veker, har eg bada han kvar kveld. Dette er fordi han ELSKER vatn, og fordi dette har blitt ein del av vår kveldsrutine. Han søv kjempegodt etter eit bad.
Eg er heldig, då me har badekar i stellekommoden. Der er det ein liten tapp, som fungerer som kork, slik at vatnet ikkje skal renne ut. Når ein er ferdig å bade, kan ein dra ut korken, og då kan vatnet renne ut gjennom ein slange og ut av karet. No har det seg slik, at eg ikkje har slangen tilkobla. Eg pleier nemlig løfte heile karet utav for å tømme det i dusjen.

Gjett kva som skjedde i går...
Joda. Jojo klarte å dra utav tappen... Eg oppdaga det ikkje før eg tok gutten ut av badekaret...
Og vips, der var alle bodyane som eg hadde lagt på plass dagen før, klissblaute. Gulpefillene var våte, og q-tipsen var våt. Vatnet rann fiiiint utover golvet. Då var mor fornøyd!

I dag trur eg at eg skal be gubben lime fast den tappen i karet!!

Heldigvis hadde me hatt ein kjempekjekk dag før dette skjedde. Me var nemlig på babysvømming for fyrste gong! Her er lille skatten min!

Ha ein strålande dag!!!

Ord blir fattige

2011-07-22T21:50:00.002+02:00

Leik med PhotoScape

2011-07-18T08:45:00.000+02:00

Her hin dagen fekk eg tips om eit flott gratisprogram ein kan laste ned på nettet:

PhotoScape

I går satt eg å leika meg litt med programmet, og her er resultatet

Jojo har fått stol!!

2011-07-17T16:09:00.000+02:00

Jojo har fått smake noko anna enn mormelk for fyrste gong.

Banan!

Han er ikkje heilt sikker på kva han meiner om dette,

men etter å ha smaka litt på det, så var det visst ikkje så gale allikevel.

Jojo er ikkje lenger fornøyd med å berre ligge,

og sjølv om vippestolen er grei avogtil, er det ikkje noko kjekt å ligge der når me skal ete middag.

Sidan han etterkvart vil få meir og meir fast føde, har me gått til innkjøp av ein eigen stol til han!

Denne stolen kan ein vippe bakover slik at han nesten ligg, eller han kan sitte rett opp og ned,

slik han gjer på bilete.

Foreløpig ligg han mest i stolen, omtrent slik han gjer i bilsetet. Me kan også senke setet ned, slik at han sit nesten nede på golvet.

Ein veldig praktisk stol, med andre ord. :o)

I dag fekk han sitje ilag med oss og ete frukost.

Han fekk eit par teskjeier med banan, medan me åt rundstykker.

Eg må også legge med eit bilete av den supergode biteringen eg kjøpte til han.

Jojo har begynt å klø i gommane, og då er det greit med noko kaldt for å lindre.

Denne biteringen er god og mjuk, samtidig som den er kjølande og god etter å ha lagt i kjøleskapet.

Jojo koste seg lenge med den i går.

God søndag frå oss!!

Bananmuffins

2011-07-17T15:59:00.000+02:00

Eg innrømmer det gjerne, eg har hoppa på cupcake-trenden!

Då eg laga søte blå muffins til dåpen vart eg skikkeleg bitt av basillen, sjølv om eg ikkje har fått baka så mykje endå, er eg stadig rundt på bloggar for å kike etter inspirasjon og oppskrifter.

For ei lita stund sidan, kjøpte eg denne boka

Her fann eg oppskrift på bananmuffins.

Det ville eg prøve ut, og i dag var ein passande dag.

I oppskrifta står det at ein skal ha aprikos i, men eg er ikkje så veldig glad i frukt i bakverk,

så eg droppa det. :o)

Slik såg muffinsen ut, då dei var ferdige.

Eg syns dei såg bittelitt kjedlege ut, og dei trong noko lite ekstra.

Dermed laga eg ein enkel melisglasur, men eg brukte litt saft frå ei appelsin, og litt appelsinkjøt i glasuren, for å gje litt ekstra smak.

Dette gjorde susen, og resultatet vart veldig vellykka.

Om du også vil prøve deg på bananmuffins, gjer du slik:

Ingredienser:

300gr kveitemjøl

1ss bakepulver

1/8 ts salt

120gr sukker

(50gr tørka aprikoser finhakka, dette kan du sløyfe)

2 bananer

ca 1 1/2 dl mjølk

2 middels store egg

6 ss solsikkeolje eller smør smelta og avkjølt

Gjer slik:

* Forvarm ovnen til 200*C.

*Sikt kveitemjøl, bakepulver og salt i ein stor bakebolle. Rør inn sukker og aprikoser

*Mos bananene, og ha i mosen i eit målebeger. Hell på mjølk så det vert 2 1/2 dl.

*Visp eggene lett saman i ein stor boll. Visp inn banan-og mjølkeblandingen og olje/smør. Lag ein fordjupning midt i dei tørre ingrediensane, og hell den samanvispa væska oppi. Rør forsiktig saman til ei glatt røre. Ikkje rør for mykje.

* Fordel røra i muffinsformer. Steik muffinsen i steikeovnen i ca 20 min til dei er heva, gyllenbrune og faste å ta på.

Glasur

Melis

Litt appelsinsaft

Litt appelsingkjøt

Bland saman til passe konsistens og smør på muffinsen.

ENJOY!

Mariuslue

2011-07-14T13:02:00.001+02:00

Den flotte Marius-dressen trengte sjølvsagt matchande lue.

Av ein eller annan grunn snudde dette bilete seg då eg lasta det opp...

Her er kjekkasen sjølv i den nye lua

(ja, han har pyjamas på seg på bilete... me tar det litt roleg om morgonen)

I går fekk også kjekkasen smake noko anna enn morsmelk for fyrste gong. Knefta banan, blanda med morsmelk for å få det litt meir flytande.

Han smatta det villig i seg, og eg trur han syns det var godt. :o)

Dessverre har det ført til nokre skikkeleg illeluktande fjertar i går kveld og i dag... Jaja.

Ellers så vart eg stukken av det som må ha vore eit monsterinsekt i går!

Trur tilogmed at den klarte å stikke meg 2 gonger, midt på blodåra som går over kulen i ankelen!

Dette bilete er tatt ca 5 min etter at eg vart stukken. Det klødde som besett 2 sekundar etter stikket, og hadde det ikkje vore for store mengder aloe vera, hadde eg gått på veggene!

Men eg klager ikkje. Det er sol, blå himmel, og eg vart antydning til raud i går då eg satt ute på terassen.

Ha ein strålande dag!!!

Yo! Vi er kul når vi er lik!

2011-07-11T10:27:00.000+02:00

Årets sommar har foreløpig skuffa stort,

og eg føler dessverre at det er passande å strikke sokkar i dette været.

Då eg var ferdig med mine sokkar, var det jammen meg nok garn

til å strikke sokkar til Jojo også. :o)

Her om dagen måtte eg også prøve Marius-dressen på Jojo.

Heldigvis er den stor og god, så den passer nok supert når vinteren kjem.

Heldigvis er det litt for varmt til å gå med tjukk strikkedress!

No kryssar me berre fingrar og tær for at været snart vert litt meir sommarleg. :o)

Bloglovin

2011-07-07T00:18:00.000+02:00

Vil berre sei ifrå om at no har eg og komt meg på Bloglovin.

Du kan finne meg her: Follow'>http://www.bloglovin.com/blog/2697876/husmornom?claim=9ggp8r6d6rd">Follow my blog with Bloglovin

Avogtil

2011-07-06T23:37:00.000+02:00

er det ikkje nok med berre ein tommel i munnen om gongen...

Jojo veks og lærer noko nytt nesten kvar dag.

Han er kjempeglad i å lese (lignar nok litt på mammaen... ) :o)

På denne sidan av Norge venter me framleis på sommaren, men det er jo lov å håpe at den dukkar opp til slutt. For å vere forberedt, gjekk eg til innkjøp av eit UV-telt til Jojo.

Eg såg for meg eit lite telt som me kan ha med på stranda,

eller sette opp i hagen hos mams og paps ( om me kjem oss ein tur dit iløpet av sommaren)

Inni den vesle boksen låg derimot eit stort (tremanns-)telt!

Heldigvis er det lite når det er sammenpakka, men det vert då allikevel litt voldsomt å sette opp dette på stranda... Jaja, det er iallefall ingen fare for at Jojo skal få så mykje sol på deg!

I dag har eg og Jojo hatt ein skikkeleg kosedag. Me har kosa, rulla litt rundt på golvet. Han har sunge både for mammaen sin, og for tigeren og elefanten på babygymmen. Me har bada i badekaret, og då han var ferdig, var det meir vatn på golvet enn i baljen. :o)

Jojo har også begynt å "susse" meg på nakken medan han har armane rundt halsen min når eg ber han. Han er så deilig!

Ynskjer alle ein super dag og håper at sommaren snart kjem til heile landet...

Marius-dress

2011-07-03T22:08:00.000+02:00

Sjølv om det er "sommar" no, veit me vel alle at vinteren kjem på nytt om ikkje så mange månadane.

Heldigvis er Jojo no klar for dei kalde månadane!

Eg er superfornøyd med denne dressen!

Eg er egentlig ikkje så flink til å strikke mønster med fleire fargar, og det å klippe i strikkeklær

er kjempeskummelt, men jammen gjekk det ikkje bra. :o)

Eg har valgt søte bamseknappar til dressen.

Eg har strikka den i str. 1,5 år, men eg har strikka alle delane bittelitt lengre enn det som sto i oppskrifta.

Jojo er ikkje akkurat liten for alderen (7730gr og 64,5 cm på 3 månadarskontrollen),

så eg ville vera på sikre sida at den ikkje ville vera for liten...

No skal eg berre strikke ferdig nokre sokkar til meg, og kanskje nokre til Jojo, og så skal eg strikke hua som passer til.

Fortsett sommaren slik den har vore til no, så får eg nok av strikketid... :o/

Avogtil

2011-06-20T23:11:00.000+02:00

er det ganske greitt å få litt hjelp til kryssordsløysinga...

Pimp my Nøstebarn

2011-06-05T18:07:00.001+02:00

I går kveld vart Nøstebarn-bodyen ferdig. Eg har igjen tatt meg kunsteriske friheter.

Eg har nemleg lagt til falske fletter slik at den vart litt meir pynta.

Lille Tjukkebollen min! :o) Eg som var sikker på at eg hadde strikka denne rikeleg stor...

Det viser seg at den er akkurat passeleg. Heldigvis er det litt strekk i den.

Eg har strikka denne i deilig MerinoSilk frå Hjertegarn.

Dette garnet kjøpte eg då eg var på ferie i Sverige i fjor. Fantastisk mjukt og deilig!

Kva gjer ein når ein midt i ammetåka, og iveren etter å verta ferdig, gløymer å strikka knappehol?

Syr fast ein trykknapp, og eit par tøffe ku-knappar til pynt istadenfor... :o)

Eg må også visa fram det geniale kjøpet me gjorde i går.

Me kjøpte ei flott gym-matte, som Jojo kan leike på. Den er enkel å vaske av, og Jojo kan trygt ligge på magen og trene ryggen sin på denne.

Til slutt vil eg vise eit bilete av dei tøffaste typane i byn!

I dag tok me oss ein liten tur til byn, for å ete is og nyte finaværet.

Etter å ha lagt i vogna og kost seg, fann Husbond ut at det var på tide å teste bæreselen som han fekk på jobben.

Jojo storkoste seg, men eg må innrømme at eg foretrekker bæresjal framfor sele.

Då me tok han utav selen protesterte han villt, men eg ville ikkje at han skulle sitte der for lenge pga ryggen. Er det nokon som veit om det fins "reglar" for slikt?

Eg håpar du har ein fantastisk søndag!!!

Garnshopping

2011-06-03T22:24:00.000+02:00

I dag har eg vore på garnshopping. Heilt sidan eg kjøpte heftet Klassikere frå Sandnes Garn, har eg hatt planar om å strikke ein Mariusdress.

Eg er sikker på at Jojo vert ufatteleg søt i ein slik dress, og sjølv om sommaren knapt er i gang,

veit me vel alle at vinteren kjem igjen om nokre månadar.

Etter nyttår må (grøss og gru!) Jojo begynne i barnehage, og då kan det jo vere veldig greit med ein slik dress.

Her ser du betre bilete av dressen

Eg gler meg allereie til å begynne å strikke på den, sjølv om eg sikkert kjem til å verte passe lei av å strikke glattstrikk med mørkeblått garn. :o)

No må eg berre få ferdig bodyen eg held på me.
Eg har ikkje så mykje igjen, men eg oppdaga plutseleg at eg har gløymt å lage knapphol i halsen...

Heldigvis har eg nokre trykknappar liggande... :o/

Håpar du får ei strålande helg!!

Problemer med å kommentere innlegg?

2011-06-03T11:10:00.001+02:00

Viss du har problem med å kommentere innlegg, prøv å velg profilen: Navn/nettadresse

Eg får jo ikkje kommentert sjølv eingong, utan å gjere dette... Hmpfr!!!

Bunadsbukse

2011-06-02T23:43:00.002+02:00

Litt før 17.mai begynte eg å tenke på kva lille Jojo skulle ha på seg på denne store dagen. Pappaen min har jo faktisk bursdag på 17.mai, og sidan me skulle feire dagen ilag med han, var det jo greit om dottersonen hans var fint pynta. Eg vurderte eit halvt minutt om eg skulle strikke ein bunad til han, men eg fann ut at eg var litt for seint ute med den idèen.
Rundt omkring på forskjellige butikkar fann eg fleire supersøte "bunadar", og sidan me trass alt skulle ha dåp helga etter 17.mai, kjøpte eg ein "bunad" på NameIt. Eg kjøpte både skjorte og bunad, men eg mangla jo strømpebukse! Ei strømpebukse måtte eg no klare å få ferdig i tide!
Som sagt så gjort. Eg er nok ikkje like flink som Fragaria, som har laga mønster til DENNE fantastiske strømpebuksa, så eg gjekk for ein enklare versjon. Eg tok utgangspunkt i eit mønster i boka (surprise, surprise) Strikk til Nøstebarn, men la til nokre enkle fletter.

Tjukkebollen min passa akkurat inni strømpebuksa då den var ferdig, så den vart brukt akkurat dei to dagane som var planlagt.

Eg strikka også nokre små "bunadsko".

Han vart så fin atte!! Tilogmed svigermor som er ei strikkemaskin utan like vart imponert! :o)
Eg vurderer nesten å strikke fleire slike, som eg kanskje kan selge på julemesse, om eg ser at eg får tid til å vere med på messa i år.
Strømpebuksa vart forresten strikka i deilig mjuk Duett mini (som no heiter Duo?) 50%ull 50%bomull.

Super dag

2011-06-02T22:43:00.002+02:00

Sjølv om været i dag har vore ganske så deprimerande, har dette vore ein flott dag!
Me starta dagen roleg, med sofakos, pyjamasdaffing og etter kvart litt frukost (Jojo fekk sjølvsagt mat med ein gong han vakna).

Så tok me turen inn til byn, gjekk ein liten tur ned på torget, drakk kaffi og åt nachos på Peppes, før me gjekk oppatt på Torgallmenningen, og innom Egon for å ete middag.

Så tok me turen heim, og medan Husbond måtte ein tur på jobb, fann eg og Jojo den beste måten å tilbringe ettermiddagen på.

Jojo sov i armkroken min, med Koseharen i sin armkrok, medan eg leste i den siste utgåva av bladet Mamma. Ein heilt perfekt måte å tilbringe ettermiddagen, om du spør meg. :o)

Kva har du gjort i dag, på Kristi Himmelfartsdag?

Ull er gull, men kva er då garn med melkefiber?

2011-05-30T13:45:00.000+02:00

Eg har strikka ein ny body frå boka Strikk til Nøstebarn. Denne gongen uten armar, fordi eg tenkte at denne kunne vere fin å ha på varme sommardagar. Eg har strikka den i deilig, supermjukt garn laga av melkefiber.

Dessverre har eg klart å strikke den litt i minste laget. Som du ser på bilder, så får me den på, men den er godt strekt over bollemagen. Dessuten er Jojo akkurat som meg, lang i overkroppen.

Jaja, me skal nok alltids finna ein eigar til denne og... Så får heller mor strikke ein større til bollen min. :o)

Medan eg fyrst er i gang, slenger eg med bilete av ei bukse eg strikka for ei lita stund sidan.

Denne buksa er strikka i Shetland Soft, frå Malsen og Mor

Luftig men varm. Har strikka den ekstra lang i beina, og med langt brot i livet, kan nok denne brukast lenge. Oppskrifta er "sjølvsagt" frå Strikk til Nøstebarn.

I dag har me ein roleg dag. Stakkar Jojo sleit med mareritt i går, og våkna skrikande frå begge lurane på dagen, og våkna i tillegg halv 2 i natt med eit skrik. Stakkar lille gutten.

No ligg han og søv godt i vogna si.

Ynskjer alle ein flott dag!!

Nøstebarnbody med armar

2011-05-29T12:24:00.000+02:00

Det er nok ingen hemlighet at eg er ein stooor fan av boka Strikk til Nøstebarn. Eg har brukt den boka mykje, og tar meg avogtil den friheta å endre bittelitt på oppskrifta. Denne bodyen er utan armar i oppskrifta, men eg la til armar.

Ein deilig, fin body som no nesten er blitt for liten. Han veks så veldig fort denne guten min!!
Eg skal på gruppekontroll på helsestasjonen 9.juni, og eg er veldig spent på kor stor han er blitt då. Han var jo 61cm allereie på 6 vekerskontrollen!!! :o) (Jojo vert 10 veker i morgon)

Her i huset har me ein roleg søndag. Eg har fått vaska litt klær, og byta sengeklede, men no skal eg berre slappe av, og koooose med skatten min. :o)

Håpar du og har ein strålande flott søndag!!

Ein fin dag

2011-05-28T23:17:00.000+02:00

Av og til er det ganske så greit å vere heime i permisjon. Fredag var ein slik dag. Lille Jojo sov lenge, og me koste oss med ein lat morgon. Så tok me ein tur til byn, for å avlevere dåpskjolen til kureren som skulle ta den med til neste dåpsbarn. Medan eg venta, koste eg meg med yoghurtis i det fine været (ja tenk, det var faktisk FINT vær i BERGEN på fredag!)

Då eg kom heim, venta det dåpsgåve til Jojo i postkassa. Har du sett noko så nusseleg?

Søte, deilige kanintøflar, med ranglelyd i!! :o)
Og når ein samtidig kan susse så mykje ein berre vil på desse her:

så er eigentleg dagen ganske så fin! :o)

Vel overstått dåp

2011-05-28T22:56:00.000+02:00

Forrige helg var mamma sin lille skatt døypt.
Mammaen min bar han til dåpen, og svigermor tok av han hua. Stolte bestemødre begge to.

Her er dåpsbarnet i den 102 år gamle dåpskjolen. Denne kjolen vart laga til storesystra til farmor, og Jojo var nr. 58 som er døypt i denne kjolen! Både farmor, pappa og eg er døypt i denne kjolen. :o)

Festen etterpå hadde me i felleslokalet som ligg i underetasjen av blokka me bur i.

Her er bilde av det eine bordet. Enkelt, men fint pynta, om eg skal sei det sjølv...

Papirdukar, lys og glassteinar er kjøpt på Europris. Den grå løparen er kjøpt på ein lokal hobbybutikk.

Til mat hadde me koldtbord. Her vart det dessverre ikkje tatt nokre bilete før etter at folk hadde forsynt seg. God mat var det iallefall. Kaker hadde me også, og det har eg bilete av!

Mamma hadde baka Kvit dame og kransekake, medan eg sjølv hadde baka sjokoladekake, skillingsbollar og muffins.

Jammen meg er det slitsomt å verta døypt!!!
Etter kyrkja fekk Jojo på seg den flotte bunaden som me kjøpte til 17.mai.
Me hadde ein flott dag, sjølv om det regna kattar og hundar ute. Ein ekstra bonus var at presten døypte Jojo på nynorsk!! Det var 6 dåpsbarn, 5 jenter og Jojo som einaste hane i kurven. Lille Skatten oppførte seg eksemplarisk heile dagen, måtte berre protestera litt når mamma ville ta på han KJOLE!!
Eg avsluttar med eit bilete av verdas søtaste dåpsbarn!!

Heimespøta babyklær i bruk!!

2011-05-19T22:42:00.000+02:00

Medan eg gjekk gravid, var det ikkje mykje strikkepinnane fekk kvile. No strikka eg ikkje berre babyklær, men litt vart det jo.

Denne buksa er strikka i deilig mjuk alpakka. Problemet er berre at denne alpakkaen loer noko heilt forferdeleg... Dermed vert ikkje denne brukt så mykje som eg skulle ynskt.

Denne buksa er strikka i det deilige garnet Duett (50% ull 50% bommull) Den er dessverre vorte for liten allerede!!

"Lille" gutten var jo heile 61 cm då me var på 6vekerskontroll!! No er han snart 2 månadar (på laurdag), og eg syns han vert større for kvar dag som går! :o)

Deilige permisjon

2011-05-19T22:23:00.000+02:00

Ein av dei mange gledene ved å vere ute i permisjon, er at ein kan gå på kafè med gode veninner, som også har gått ut i permisjon. :o)

Allikevel er nok det beste med permisjon er nok muligheten til å kose med denne karen:

Nedtelling til dåp

2011-05-15T12:47:00.000+02:00

I dag er det akkurat 1 veke igjen til lille Knøttis vert døypt.
På torsdag var han kjempeflink, og tok seg ein laaang lur på ettermiddag. Då fekk mor tid til å bake litt til den store dåpen.
Eg gjekk for muffins!
Flotte papirformer vart kjøpt inn, og eg gjekk tilogmed til innkjøp av metallformer, slik at muffinsane skulle vere perfekte. Dessverre bestemte eg meg for å vere litt gniten til å begynne med, så eg kjøpte metallform på Ikea til den nette sum av 69 kr pr. form... Det var dessverre ingen suksess. Formene var for høge og smale, så papirformene passa ikkje inni.

Dermed var det berre for mor å gå ut på jakt igjen. Denne gongen fant eg ut at eg ikkje skulle vere gniten, og kjøpte derfor ei skikkeleg Wilton-form til 249kr. Denne fungerte perfekt!!

Eg laga muffins etter DENNE oppskrifta, og ostekrem etter DENNE oppskrifta. For å vise gjestane at dei trass alt er i dåpen til ein gut, blanda eg litt blå konditorfarge i ostekremen. Som ekstra pynt på toppen, dryssa eg bittelitt fleirfarga strøssel.

Desse muffinsane er veldig greie, sidan dei kan frysast med pynten på. Dessutan smakar dei kanongodt!! :)
No gjenstår det berre å bake nokre skillingsbollar (Sjokoladekaka er allereie i frysen, og mamma skal lage kransekake og Kvit dame), så er bakinga ferdig.

Her er kva dåpsbarnet syns om muffinsane:

Ha ein fin søndag!!!

Laaangt fråvær

2011-04-28T23:20:00.000+02:00

Hei og hopp!

No er det jammen lenge sidan det har vore aktivitet på denne bloggen.

Grunnane er nok mange:

-100% stilling som kontaktlærar

-stadig veksande mage, som også førte til stadig trøttare meg

-utslitt meg vart sjukemeld 3 veker før permisjon

- og ikkje minst, resultatet som kom ut av den store magen...

Lille skatten til mamma kom til verda 21.mars. 14 dagar på overtid, etter det som må ha vore den lengste helga i mitt liv. Eg vart nemleg lagt satt igang allereie fredagen, men denne karen hadde det ikkje travelt. 1 stk ballonkateter og til saman 7 modningspiller måtte til, før han kom ut mandags morgon.

Resultatet er allikevel verdt alt saman. Han er den søtaste, finaste, flottaste og nydelegaste guten i heile verda (heilt objektiv, sjølvsagt) :)

Eg har ikkje lagt strikkepinnane på hylla, men den store strikkelysta har vore litt amputert etter nyttår. Lageret til lillegutt var allereie velfyllt, og den store inspirasjonen har latt vente på seg.

Men, eg reknar med at strikkelysta nok kjem over meg igjen, og forhåpentlegvis kjem også bloggelysta, no når eg har ein levande modell å vise klea på, istadenfor den gamle dokka mi.

Kan du sei meg

2010-10-24T10:56:00.000+02:00

kva poenget med å vere sjuk er, når ein har for vondt i hendene til å strikke? Strikka minimalt i går, men håper på ein betre dag i dag. Eg må jo berre stå på no, fram til julemessa 20.november!! Eg begynner faktisk å få dårleg tid!! (har berre 6 sjal klare, og bør vel strikke nokre huer også...)

Snufs, hark og HOST!

2010-10-23T12:24:00.000+02:00

Eg kan melde om høg snørrfaktor i heimen. Eg er sjuuuuuuk! Og det sjølvsagt på ein laurdag, når sola skin frå ein klar og blå himmel... Dagen vert nok brukt anten i senga (for å ta igjen litt av søvna eg gjekk glipp av i natt pga snyting, hosting og halspastill-tygging), eller i sofaen med strikketøyet. Har eg sagt at eg hatar å vere sjuk? Dette har eg verkeleg ikkje tid til! Eg begynner med kontaktmøter på onsdag, så eg MÅ på jobb på mandag for å gjere klart og forberede meg!! Tips til snarleg rekonvalens mottas med takk!!

Halloween, or not to Halloween?

2010-10-13T12:13:00.000+02:00

Eg er eigentleg ikkje noko fan av denne veldig amerikanske skikken. Iallefall ikkje dette med å gå rundt å tigge godteri. Kjem det nokon på døra her, får dei beskjed om å komme tilbake på nyttårsafta! Men det er noko eg likar med Halloween, og det er gresskar. Eg har aldri hatt eit gresskar i hus før, men det er noko med gresskar som seier HAUST for meg. Så då eg fann eit kjempeflott, stort gresskar, til berre ein hundrelapp, skyldte eg på elevane, og at eg skal bruke det i undervisninga, og tok det med meg heim. I dag var det på tide å gjere noko med denne store, flotte oransje grønnsaken. Eg begynte med å dekke bordet med eit blad (eg fann ut at ei gammal utgåve av UTDANNING passa bra. ) Kniv, skei og ein plastbolle måtte også til. Fyrst skar eg ut toppen. (Heldigvis kom gresskaret med instruksjonar...)

Slik såg gresskaret ut inni! Masse frø og "kjøtt"

Slik ser det ut etter at eg hadde skrapa lenge og vel for å få ut mest mogleg "kjøtt".

Då var det på tide å skjere ut ansiktet. For å gjere det enklare for meg sjølv, teikna eg ansiktet på fyrst, slik at eg hadde noko å skjere etter.

Så var det fram med kniven, og skjere laus! Dette var faktisk ganske morosamt!!

Og sjå kor fint resultatet vart, med eit telys inni!!

På bilete har eg endå ikkje vaska vekk strekane mine, men dei er borte no. Eg er veldig spent på korleis elevane mine reagerer på dette etter haustferien!! Eg håpar berre at gresskaret held seg lenge, og at det ikkje rotnar alt for fort.

Eg syns dette var veldig kjekt, og kunne godt tenkt meg å lage fleire. Men det får halde med eit i år, kanskje eg prøver igjen med fleire neste år.

Eg vil ikkje kalle dette ei Halloween-lykt, men ei haust-lykt!

Ha ein supergod haust alle saman!!!!

Overraskelse!!

2010-10-11T13:36:00.000+02:00

Nokon som lurer på kva eg gjorde på torsdag??

Eg kan sei at eg var ein tur på sjukehuset...

Det var ikkje skummelt...

Eg er ikkje sjuk....

Eg har

Noko i magen eg ikkje har spist!!!!

Ein sprell levande liten guttebaby låg inni magen min, og viste kor sterke armar han har, og kor flink han er til å ta "sidekicks" (jepp, Husbond er "gammal" kampsportutøvar).

Det var ein heilt fantastisk opplevelse!!

Vidunderet kjem i mars, og sjølv om eg har ein liten pause i babystrikkinga til fordel for julemesse, ser eg ikkje bort ifrå at babystrikkinga kjem sterkare igjen etter 20. november.

No har eg haustferie, og eg kooooser meg heime.

Må forresten ta med eit bilete av fingeren min etter ei helg med intens strikking...

auuuu!!! måtte ta på plaster før eg kunne strikka vidare...

Strikketid

2010-10-03T17:39:00.000+02:00

Altså, eg har ikkje slutta å strikka! Dei siste vekene har flydd avgarde, mykje takket være møter i 1 stk jubileumskomtiè, 1 stk jubileum (skulen eg jobber på fyllte 50 år), foreldremøte, fullt kjør på jobb etc etc etc... Dete fører til at eg rett og slett har hatt verken tid, eller energi til å strikke så mykje. Men, i helga har eg strikka!! Og det kjem godt med, sidan eg har meldt meg på julemesse i november! No bør egentlig strikkepinnane gå varme fram til november!! I løpet av helga har eg faktisk strikka 1 sjal, og begynt på det neste. Eg håpar å gjenta suksessen frå i fjor, så no blir det nok storproduksjon av sjal ei stund framover. Sidan gjesterommet for øyeblikket flaumer over av klede (pga av oppsetting av nytt garderobeskap på soverommet), har eg ikkje fått blokka dei to sjala som er ferdig. Bilete av desse kjem dermed når eg har ei ledig madrass igjen!! :o) Håpar du har hatt ei strålande helg, og at du får ei fantastisk veke! (eg skal noko veldig spanande på torsdag, men det fortel eg om i etterkant.) :o)

Striper

2010-09-12T14:54:00.000+02:00

Jammen klarte eg ikkje å presse inn litt strikketid denne veka og. Heldigvis var denne lille strikketida på slutten av veka akkurat nok til å gjere ferdig ikkje berre eitt, men to prosjekt!! Fyrst ut var stripebuksa frå Strikk til nøstebarn. Eg gjer tydelegvis opprør mot tanken på at barnetøy skal vere rosa eller blått.. Kvifor ikkje lage striper av grønt, kvitt og brunt?

Eg var visst litt for ivrig då eg strikka beina. Eg fann ut at lange bein ligg litt til familien (på mi side) og då er det greit med lange bein på buksa og. Men her tok eg visst litt hardt i... :o) Buksa er strikka i Shetland Soft frå Malsen og Mor.

Forrige helg var eg heime hos mams og paps, og innimellom husbeisinga fekk eg tid til å begynne på ei hue. Denne hua vart eg tipsa om av Unsepus. Mi hue ser litt annleis ut enn Unsepus si, men eg syns den vart fin allikevel! Eg strikka ein enkstra omgang med fletting, fordi eg syns den var litt kort. Hua er strikka i Safir frå Spar Kjøp

Utanfor ser det ut til at hausen har tatt tak. Heldigvis er eg forberedt!!

Tidlegare i sommar var eg ein tur på Ikea, og jammen hadde dei ikkje salg på eit pledd som eg fann ut kom til å passe perfekt i sofaen.

Sjølv med mine 174 cm, og ein smule omfavnsrike kropp, ser dette teppet ut som eit timannstelt!!

Men no bør eg vel sei at teppet faktisk er eit sengeteppe... :o)

Eg skal iallefall ikkje fryse i vinter!!!

Har du gjort forberedelser til hausten?

Body og sparkebukse

2010-09-02T17:14:00.001+02:00

Før me kom så langt som til Sverige, var eg og husbond ein tur på Rena. (kvifor i all verda var du på Rena, tenker du kanskje, det var ikkje mitt valg. Husbond er lidenskapleg flugefiskar, og Renaelva lokka...) Jaja, det som er bra med at Husbond fisker, er at han innimellom får dårleg samvit for all fisketida, og alle pengane han bruker på fiskeutstyr, så då spanderer han flott garn på meg! :) På Rena har nemleg også garn. Alpakka frå Sandnes garn. Dette garnet var iløpet av ferieturen til ein mjuk, deilig body. Mønsteret er Benjamins Voksebody. Det vart ikkje "svenskeknappar" på denne, men søte rosa knappar frå min lokale knappebutikk. :)

Den skjønne, grønne alpakkaen eg kjøpe i Sverige har blitt til denne flotte sparkebuksa. Mønster frå Strikk til Nøstebarn.

Til tross for iherdig hurtigstrikking måtte eg til slutt innsjå at eg faktisk mangla ca ein halvmeter med garn... Etter å ha festa alle trådar, prøvd å spleise alle endar, triksing og miksing, måtte eg framleis felle av med eit anna garn. Heldigvis skjedde all denne triksinga på undersida av hælen, så det viser heldigvis ikkje.

Har du lest innlegget om alt det flotte garnet eg kjøpte i sommar, fekk du kanskje med deg noko om nokre pinnar...

Taaadaaaaa!!!

Er dei ikkje nyyyydelege? Dette store settet med symphonie wood-pinnar vart mitt (etter at Husbond hadde brukt pengar i ein flugefiskebutikk...)

Den som seier at lykke ikkje kan kjøpast for pengar, har ikkje kjøpt nydelege strikkepinnar og fantastisk garn på samme dag!! :)

Settet inneheld pinnar i 8 forskjellige størrelsar, og "vaier" i 4 forskjellige lengder.

Me like!!! No kan eg berre begynne å strikke sjal til julemesse... :)

Blomsterhjerte og bestevest

2010-09-02T17:04:00.000+02:00

Eg har vore så heldig, og har fått teststrikka mønster for Vridd og Vrang igjen! Fyrst ut var denne flotte, raude gensaren med hjerter. Den er strikka ovanfrå og ned. Garnet eg har brukt er Shetland soft frå Malsen og Mor. Eg har visst ein ting for treknappar... Det passar liksom til alt! :)

Neste prosjekt var Minas pyntevest. Ein søt liten vest, som enkelt kan gjerast om til tunika/kjole. Denne er også strikka i Shetland Soft, men denne gongen med dobbel tråd.

Eg likte godt mønsteret, og det var kjekt å lære å strikke picotar utan montering!

På den berømmelege Sverigeturen vart det som eg tidlegare har skreve, kjøpt inn eit lite lager med knappar. Eg passa på å berre kjøpe spesielle knappar, som eg veit at eg ikkje får tak i på min lokale knappebutikk.

Det vart ein fin liten haug!

Kanskje ikkje så vanskeleg å sjå at eg likar englar? Fine, fine engleknappar som berre ventar på å verta brukt.

Svenske-garn

2010-09-01T22:04:00.000+02:00

I tilfelle du lurte, ja, det fins garnbutikkar i Sverige og! I sommar var eg og husbond på vår fyrste campingferie med vidunderet, og turen gjekk til Halmstad i Sverige. Det viste seg å vere ein lur idè... :) Eg begynte forsiktig med dette nøstet med sokkegarn... Så datt eg over ein butikk med nydeleg alpakka,

og endå meir nydeleg Merino Silke... (I denne butikken kjøpte eg også eit lite lager med knappar, men det får komme seinare.

Etter litt "googling" og vandring i Halmstads gater datt eg over den mest fantastiske butikken eg har sett! Alt garnet var lagt opp som om det var diamantar omtrent! Eg brukte fleire minutt på å berre sjå på butikken, før eg kunne sjå på garnet.

Og utvalget var sjølvsagt av ypperste kvalitet, så eg må innrømma at eg vart litt lamslått...

Men eg kom då ut igjen med eit nøste Kauni,

og 4 nøster Silkbloom. Dette er noko av det mjukaste garnet eg har kjent, trur eg...

I denne fantastiske butikken kjøpte eg også eit heilt sett med flotte strikkepinnar, men det får også vente til seinare.

No sit eg berre her, og funderer på kva eg skal strikke av alt dette fantastiske garnet, det må jo vere verdig slikt flott garn! :)

Sommarferie?

2010-08-30T17:09:00.000+02:00

Kor lenge er det eigentleg lov til å ta seg sommarferie? Eg er no tilbake på jobb for fullt, men bloggen har vist ikkje blitt prioritert i sommar, og det sjølv om eg har fleire ferdig produkt klare. Eg har til og med tatt bilete av dei, og lagt dei inn på data, men på bloggen har dei ikkje komt endå. Eg lovar, på tru og ære at nytt, ordentleg innlegg skal komma. Eg må berre riste av meg denne forferdelege trøyttheita som heng over meg! :o) Jammen er det hardt å stå opp klokka 6 igjen, og så reise på jobb for å prøve å undervise 16 spinnville 3.klassingar... Heldigvis er det berre 7 veker til haustferie...

Sukkersøtt

2010-07-14T12:53:00.000+02:00

Oppskrifta til denne søte vesten fant eg i Februar-utgåva av Strikkemagasinet. Garnet eg har brukt er "sjølvsagt" Shetland Soft frå Malsen og Mor

Mønsteret var veldig enkelt, men samtidig vart det jo kjempeskjønt!

Dette siste bilete slengte eg med, berre for å skryte av at liljene mine har begynt å bløme! :o)

Det verkar som om sommaren framleis lar vente på seg, så eg må innrømme at det vert ein del strikking for tida. Håpar du har ein fantastisk sommar!

Klassiker with a twist

2010-07-08T22:51:00.000+02:00

Med fare for å gjenta meg sjølv, pinnane går nesten varme her i heimen. Iallefall etter at eg gjekk til storinnkjøp av Shetland Soft hos Malsen og Mor. Det siste som vart fellt av er Den lille klassiker, med ein liten fargetvist. Eg har brukt brun, grå og grønn, og eg syns fargane var nydelege saman. Det vart hjerteforma treknappar på denne også.

I skrittet gjekk eg for runde treknappar.

Flott mønster i litt duse fargar.

Bodyen har fått seg ein vask i deilig milo-vatn, og den er no mjuk og velduftande.

Gleder meg til Fragaria kjem med mønsteret i fleire størrelser.

I helga ventar eg storinnrykk av systo ilag med mann og tre barn. På lørdag skal me nemlig alle i bursdagsbesøk til mormor. Gamle mormor fyller 84, og har bestemt seg for å feire med pølser og brus! :o)

Håpar alle får ei strålande helg!!!

Monsterbukse!!

2010-07-07T17:22:00.001+02:00

Strikkepinnane går nesten varme for tida (ahh... deilige ferie!!) og det siste ferdige produktet er ei Monsterbukse. Mønsteret hadde eit par mangler, men sidan eg heldigvis har strikka bukser før, gjekk det greit allikevel. Men ein ting kan eg iallefall sei. Eg kan ikkje sy maskesting! No skal dei seiast at dette er mitt fyrste forsøk, men allikevel... Her er no iallefall buksa: Eg har ikkje fått kjøpt inn strikk endå, så foreløpig heng den oppe ved hjelp av knyting.

No begynner det endeleg å ta seg opp med blomstring på terassen. Lavendelen har så vidt begynt å bløme.

Den flotte dvergsyrinen min står i full blomst. Heldigvis passer hagegnomen min på.

Det er nemleg ikkje berre eg som har merka at syrinen blomstrar!

(ja, der er ein veps som veit å sette pris på sarte, rosa blomar.)

No håpar eg berre at sommaren snart set inn for fullt snart, slik at eg kan nyte blomane på terassen skikkeleg. God sommar!!

Bodylicious!

2010-07-07T17:09:00.000+02:00

Garnet eg kjøpe på lagerkvelden hos Malsen og Mor har allerede blitt tatt i bruk, og det fyrste som vart ferdig var denne herlege bodyen. Mønsteret er Benjamins Voksebody. Garnet kjentes litt "tørt" ut til å begynne med, men etter kvart som eg strikka med det, vart det berre mjukare og mjukare. Satsar på at ein liten badetur i Milo-vatn, så vert det akkurat som silke. :o)

Fin body fortjener jo fine knappar. Eg falt for desse med Spøkelset Laban på.

I skrittet gjekk eg for litt mindre og enklare knappar.

Ein fin liten body, som eg sikkert kjem til å strikke fleir av!

For ei lita stund sidan gjekk Husbond til innkjøp av eit Digitalt speilreflekskamera. Eg har ikkje fått brukt det så mykje, men her hin dagen (ein av dei få dagane det ikkje har regna i sommar) tok eg kamera med meg ut på terassen.

Sjølv om me ikkje akkurat har verdens beste utsikt (me bur i høg 1.etg,)så kan ein vel ikkje akkurat klage på dette... :o)

Jaja, det einaste som er positivt med regnet, er at eg slepp å ha dårleg samvittighet for at eg sit inne og strikke... :o)

Snop uten sukker

2010-07-01T23:50:00.001+02:00

Eg er så heldig at eg bur i verdas vakraste by. I tillegg til at det er ein flott by, er ein av fordelane, at eg kan besøke lageret til Malsen og Mor når det er åpent! I dag gjekk eg formeleg berserk blandt dei 70 (!) fargane av Shetland Soft!! Sjå på den herlege samlingen av deilig garn! Skikkeleg snop, er det!! :) Eg gler meg allerede til å strikke med det! Eg kjøpte tre nøster grå Shetland Soft

Tre nøster lilla, som egentlig ikkje er så mørk som det ser ut som på biletet. Dette garnet er eg faktisk i gang med å strikke ein Benjamins Voksebody.

Litt herleg kirsebær-raud farge trengs og innimellom. Dette garnet fekk eg faktisk av Unsepus sidan eg skal prøvestrikke eit mønster for ho. ( Heldige meg!!)

Deilig blå-grønn farge som eg må finne noko flott å bruke til.

Litt brunt fekk også vere med meg heim.

Herleg grønt! Jakke? Bukse? Body? Sokker og lue? Mulighetene er mange når ein har så flott garn!

Litt naturfarga garn kan innimellom vere greit å har, berre for å ta ein liten pause frå alle dei deilige fargane!

Til slutt treng ein alltid litt rosa!

Eg må innrømme at eg gliste heile vegen heim, med passasjersetet fullt av garn. Då eg kom heime måtte eg tømme ein gammal korg eg hadde og putta alle nøstene oppi den, slik at alle kan sjå den flotte snopeskåla mi!

Bleiebukse og body

2010-06-29T15:30:00.000+02:00

Ahhh.. det er deilig med ferie! No har eg tid til å gjere akkurat det eg vil, og merkeleg nok, har eg mest lyst til å strikke... :)

Denne bleiebuksa var til søndag kveld medan me såg Sherlock Holmes-filmen ilag med gode vener. Kjapp og enkel å strikke, med andre ord.

Då eg var ferdig med bleiebuksa, fortsatte eg å bla i boka Strikk til Nøstebarn, og begynte dermed på ein liten babybody. Dei to siste dagane har eg vore til både tannlækjar og lækjar, og dermed vart det jo litt venterom-strikking. Når ein sleng på ein kveld på besøk hos ei veninne i tilegg, så var bodyen plutseleg ferdig!

Som vanleg har eg ein villig modell. Det er veldig greit å få teste passforma sånn lite grann i allefall...

Dei største knappane kjem frå lageret eg fekk av mormor. Enkle, fine knappar.

Dessverre hadde eg ikkje like knappar til å sy på i skrittet, men desse passa fint allikevel. (heldigvis er knappar enkle å skifte ut, om det plutseleg skulle dukke opp noko betre...

No manglar me berre litt ordentleg sommarvær. Eg blir nesten deprimert av denne kalde, forblåste og regnfulle sommaren!

(det einaste positive er jo at været omtrent ber om at eg skal sitte inne og strikke...)

Ha ein strålande tirsdag, alle saman!!

Lita Nøstebarn-jakke

2010-06-27T13:11:00.000+02:00

Litt strikking har det no blitt dei siste dagane. Sidan eg har vore ørretenke sidan torsdag, så har eg jo hatt heile dagane for meg sjølv. Denne vesle jakka er frå Strikk til Nøstebarn (igjen...) Den var enkel og grei å strikke. Det var greit med noko litt "hjernedød"-strikking etter fletter og dobbel perlestrikk på forrige prosjekt. Den gamle babydokka mi stiller som vanleg opp som modell. Passforma ser ut til å vera ganske bra. Endeleg har eg fått somla meg til å få tak i knappar til den tidlegare nevnte jakka med fletter og perlestrikk.

Små trehjerter vart fint mot den mørke turkise fargen. Eg hadde kanskje sett for meg nokre små bamsar eller noko sånt, med det hadde dei ikkje hos min lokale knappebutikk. Jaja, knappane går an å skifte ut ved ein seinare anledning om eg plutseleg dett over noko anna. Hjertene vart no fine dei òg.

No har eg ein gensar til meg sjølv på pinnane, men eg er ikkje heilt overbegeistra over prosjekte, så om du har tips til kva eg skal strikke, må du gje meg eit pip!!

I dag skin faktisk sola på terassen min, så det spørs om eg ikkje bør nyte dagen ute i dag. Kan ikkje sei at eg føler sommaren har vist seg frå si beste side endå.

Ha ein fantastisk søndag, og nyt sommaren!

Verdens beste kollegaer!!

2010-06-27T12:52:00.001+02:00

No er ferien her, og det er fantastisk deilig!! Eg har berre slappa av, vore med veninner (på dagtid!!), strikka og gjort ingenting...

Men eg må vise fram kor greie kollegaer eg har! Siste skuledag vart eg nemlig overøst med gåver!

Desse utruleg flotte peonene fekk eg av T som eg skal overta som kontaktlærar etter. Me har jobba veldig godt ilag i år, og eg har lært utruleg mykje av ho. Eg har store sko å fylle...

Av ein elev fekk eg denne kjempesøte tomatplanta! Den står no og koser seg i vinduskarmen ilag med alle orkideane mine. No er eg spent på om eg klarer å holde liv i denne lenge nok til at det kjem tomater på den. Nokon som har tips til stell?

C er ein kjempeflink lærar som dessverre forlater oss etter berre eit år. Sidan me ikkje bur så langt ifrå kvarandre, har han kjørt med meg til jobb i vår, sidan den lille bilen hans sa takk for seg. Det holdt ikkje lenger med gaffa-tape... :)

Eg og C har i heile år som regel vore dei fyrste til å komme på kontoret om morgonen, og det var nok derfor eg fekk denne kjempefine Flittig Lise.

Av kjempeflinke assisten L, som har vore med på å gjere symjetimane med 5.trinn til koselege pratestunder, fekk eg denne kjempesøte telysholdaren. Den passer supert til campingvogna

Eg har faktisk ikkje berre lata meg sidan eg gjekk ut i ferie. I helga var det på tide å gjere noko med dei stygge bokhyllene, som ikkje passa til noko.

I bakgrunnen ser du neste bokhylle som står for tur, og slik såg også den no brunmåla hylla ut. Eg må sei at eg er veldig fornøyd.

No er målinga tørka, bokhylla er tilbake på plass med bøker i, og det ser veldig bra ut! Eg sit og vurderer om eg skal setje i gang med neste hylle i dag, eller om eg skal vente til i morgon, og heller bruke søndagen på å kose med husbond. :)

Målinga kan jo vente til i morgon når han er på jobb (bortsett frå at eg skal til tannlækjaren i morgon... :/) Jaja, eg har ein heil, deilig ferie å måle på!

Ha ein strålande søndag!!!

Campingvidunder!

2010-06-19T00:35:00.000+02:00

Denne veka har det ikkje vorte tid til blogging eller noko. Grunnen til det (bortsett frå jobb, sommeravslutning med klassane etc) står no fint opplaina utanfor blokka. Dette vidunderet vart kjøpt på mandag, og dermed gjekk tirsdagen med til å vaske utav vogna, onsdagen til ein handlerunde på Ikea. Som du ser av kassalappen kjøpte me absolutt ingenting...

Torsdag vart brukt til å vaske kjøkkenredskaper og håndklær og slikt, men i kveld har eg berre slappa av. Eg har tilogmed fått tid til å strikke litt!!

Jammen er det bra at det berre er 2 1/2 arbeidsdag igjen til sommarferie!!

Håper du får ei strålande helg!!!

Fletter, syriner og pai!

2010-06-13T19:22:00.001+02:00

I dag har eg hatt ein kjempefin søndag!! På fredag var eg på blåtur med jobben, og i går var eg i 40-årsdag til ei kollega, så i dag var det deilig å sove litt frampå. I formiddag fekk eg strikka ferdig knappestolpane og halslinninga på denne flotte jakka frå Nøstebarn. No manglar den berre dei rette knappane, så er den fiks ferdig! :) Jakka er strikka i str. 1 år, men eg syns den ser ganske stor ut til å vere 1 år. Ja ja, som Elizabeth Zimmermann seier, babyer kjem i alle størrelser. :) Jakka er strikka med dobbel perlestrikk, og fletter framme og på armane. Eg har brukt Silja-garn. Eg syns jakka blei kjempefin, og med dei rette knappane og litt lett damping vert den super! :)

I dag tok eg med meg Lillian på Plantasjen. Der kjøpte eg meg ein kjempesøt dvergsyrin!

Den er allerede komt i den fine zink-potta eg kjøpte, og står så fint på terassen. Eg kjøpte i tillegg nokre fine steinar for å pynte opp litt ekstra.

Til middag prøvde eg noko nytt i dag. Her i veka fann eg ei oppskrift på vg.no på kyllingpai med bacon. Det hørtes så godt ut, at eg berre måtte prøva! Dette er faktisk fyrste gongen eg nokon gong har prøvd å lage pai, og eg må sei at det kjem nok ikkje til å verta siste gongen. Paien var kjempegod, og metta godt. På bilete under har me vore tre vaksne som har ete seg mett, så i morgon vert det nok pai til lunch! (det vert noko anna enn svette brunostskiver).

Håpar du også har ein fin søndagskveld!

Spa-dag med Lillian

2010-06-12T16:58:00.000+02:00

Eg og Lillian har bursdag på same dag, og mannane våre er gode fiskekompisar. Så då me hadde bursdag tidlegare i år, fekk me gåvekort på boblebad, bodyskrubb og massasje. No var tida komen for å bruke gåvekortet. Me fekk kose oss lenge i deilig, varmt boblebad, som var me på å løyse opp stive musklar som skrik etter ferie.

Etterpå vart me skrubba, dusja, smurt inn, pakka inn i folie, dusja og massert.

Sjølve behnadlinga var deilig, men dessverre vart opphalde litt øydelagt av at dei var underbemanna, og at betjeninga rett og slett var litt uproffesjonell. For det fyrste, me hadde time kl. 16.00, og slapp ikkje inn før 16.45. Me vart gløymt i badekaret, og då me skulle ligge å "slappe av og sveitte" i innpakninga vår, var det nokon som fekk spraytan rett utanfor døra, og ungar sprang rundt. I tillegg måtte "mi" massøse springe og ta telefonen då ho skulle massere meg, og ho var VELDIG påpasseleg med å fortelje meg kor utruleg tørr ansiktshuda mi er (ho ville sjølvsagt selge meg ein krem til 550kr.)

Greit nok å sei ein gong at huda di er tørr, du bør tenke på å bruke ein annan hudkrem, men ein treng ikkje mase om det i eit kvarter...

For at dette ikkje berre skal bli eit "syte-innlegg", slenger eg med eit bilete av cosmopolitan-drinken eg fekk då eg og Lillian var på FØR-premiera av Sex og Singelliv 2-filmen forrige veke.

No skal eg sette meg i sofaen, og slappe heile at med strikketøyet. Den flotte jakka eg strikker på er snart ferdig, så det er nok ikkje så lenge til det kjem bilete av den i bloggen. :)

Håper du har ei fantastisk helg!!

Prinsejakke

2010-06-05T20:11:00.001+02:00

Då eg var heilt tom for strikkeidear forrige veke, søkte eg råd hos ei anna strikkedame. Nina sit i styret i sameiet med meg, og ho skal bli bestemor i juli. Ho bladde gjennom Strikk til Nøstebarn, og falt for jakka i Hentesettet #1908 Eg hadde tilfeldigvis litt lyseblå Silja liggande, og tok på meg oppdraget. Etter litt problemer med å tyde oppskrifta (fekk hjelp på Hobbyboden), er jakka no ferdig. Det har gått ganske raskt å strikke den, med tanke på at eg knapt har tatt i ein strikkepinne i løpet av veka. Jakka var eigentleg grei å strikke, og raglanfelling gjer at ein slepp unda ein del monteringsarbeid, og det kom godt med. På grunn av kanten som går rundt heile jakka, og på armane, var det trygt sagt ein del syarbeid. Merka fort kvifor eg vanlegvis ikkje strikker ting med mykje montering... Men når ein ser resultatet, så er det jo verdt det. :) Eg hadde nokre fine knappar som eg sydde på. Sjølv om det er litt blomar på dei, så må det vel gå til ein gut? :) Sidan babyen kjem i juli, strikka eg jakka i str. 3-6 månadar. Me får krysse fingrar for at det ikkje er så kaldt i juli at bebisen treng tjukk ulljakke på seg. :) Den gamle babydokka mi stiller som vanleg villig opp som modell. No venter eg berre på å få kontakt med den ventande bestemora, slik at eg kan få overlevere den lille prinsejakka. Eg nyt helga med strikketøy, ei god bok, og strålande sol på terassen. Akkurat den rette medisinen etter ei skikkeleg maratonveke. Ha ei strålande helg vidare!!!

Helg, helg, strålande helg!!

2010-06-05T09:42:00.000+02:00

Den siste veka har vore ei skikkeleg maratonveke. Mandag var det jobbing med IOP`ar, og beskjed om at eg ikkje skal vere ressurslærar på 1.trinn, men kontaktlærar på 3.trinn til neste år. (SKUMMELT, sidan eg aldri har vore kontaktlærar før) Tysdag var det timeplanlegging til halv 6, heim for å puste i 10 sek, og så avgårde på styremøte i sameiet. Onsdag var det timeplanlegging igjen, og då var me ikkje ferdig før klokka var nesten halv 7. Torsdag var det cosmopolitans, kino og 2 timar for seint i seng. Fredag var det ein trøtt dag på jobb... No er det endeleg helg!!!

Husbond har reist avgårde på fisketur, og eg nyt stilleheten, strikketøy og sol på terassen.

Endeleg er det tid til å senke skuldrane, og trekkje pusten ordentleg.

Heldigvis er det no berre 12 1/2 arbeidsdagar igjen til ferie!!

Eg og husbond er for tida på jakt etter campingvogn, så i år vert det forhåpentlegvis campingferie til Sverige. Eg er oppvaksen med campingferie, og eg syns det er ein heilt super måte å feriere på!

Har du spennande planar for ferien? Er nedtellinga igang?

Bileta har eg funne ved hjelp av google.... :o)

Sex and the city 2, førpremiere!

2010-06-02T19:16:00.000+02:00

Heldige Lillian var så heldig at ho vant 2 billettar til FØRpremieren på Sex and the city 2, og trur du ikkje at snille, snille Lillan tar MEG med på kino!! Så i morgon skal me dolle oss opp, tørke støv av dei høge hælane og troppe opp på kinoen i morgon og kose oss med Cosmopolitan og film!!

Woohooo!!!!

YES! I WANT TO KNOW EVERYTHING!!

2010-05-31T21:36:00.000+02:00

Den 7. og 8. september kjem sjølvaste Lisa Williams til Bergen....

Og eg har billett!!!!

Eg, systo og ei god veninne får forhåpentlegvis vite "everything"! Eg gler meg!!!

Eg er eigentleg litt skeptisk til synske, men Lisa Williams har eg tru på.

Ho verka så koseleg, og grei, og til å stole på. Eg er kjempespent! Ikkje det at eg trur at nokon vil ta kontakt med meg, men berre det å sjå Lisa Williams i levande live vert heilt spesielt! Eg klarar knapt å sitje stille!

Juhuuu!!!!

Har du lyst til å vite meir om Lisa Williams kan du sjekke ut heimesida hennar.

Var det nokon som sa garnslanking?

2010-05-29T16:24:00.001+02:00

Jadda... Her har eg vore SÅ flink, og har omtrent ikkje kjøpt eit garnnøste sidan jul, og har iherdig prøvd å slanke garnlageret mitt så mykje som mogleg... Eg skulle jo berre ein liiiiten snartur innom Spar Kjøp, og eg skulle berre kjøpe tre nøster lyseblå Silja, og to nøster lysegrå Silja... Nemlig... Kva kom eg ut med? Ein stappfull bærepose!

Denne fargen her syns eg var så fin, og det må vel være mogleg å strikke ei lita trøye eller ei bukse av dette?

Denne fargen er litt mørkare, og eg kunne godt tenkt meg å strikke ein gensar til meg sjølv i denne fargen. I dag kjøpte eg tre nøster, og har planar om ei lita trøye eller bukse.

Desse nøsta derimot, har eg tenkt at skal bli ein gensar til meg sjølv! Fin, lys lilla farge. Det vert fint no til sommaren og utover hausten... :o)

No må eg berre vere flittig, og få ferdig den lyseblå babyjakka eg begynte på i går... Eg trur jammen meg at eg skal ta med meg strikketøyet ut i sola på terassen, og la pinnane gå!

Ha ei strålande helg alle saman!!!

Løva Chrstian

2010-05-28T19:32:00.000+02:00

Eg såg denne videoen på Pondusbloggen, og eg må sei at eg vart skikkeleg rørt!

Kven var det som sa at dyr ikkje hugsar og ikkje kan vise kjensler!!!

Strikkeoppdatering!!

2010-05-27T22:27:00.001+02:00

Her kjem endeleg litt oppdatering på strikkefronten!

Til jul for 2 år sidan fekk eg eit kjempefint oppskrifthefte av Husbond. No har eg endeleg fått strikka noko ifrå det!

Denne søte kjolen har eg strikka i Ullteppegarn. Kanskje det ikkje mest ultimate garnet å strikke ein barnekjole i, men eg prøver desperat å verta kvitt litt av garnlageret.

Kjolen har eit flott holmønster på skjørtet, og er rillestrikka på overdelen.

Sjølvsagt trengtes det knappar, og valget falt på desse søte, rosa knappane.

Kjolen vart ferdig då eg var heime i Playa del Heimbygd i helga. Heldigvis hadde eg eit garnnøste med Alpa frå Trysil garn med meg, så eg la opp til det eg såg for meg skulle verta ei lite rillestrikka bukse. ( eg har lært ei veninne av meg å strikke bukse, så eg viste at eg skulle legga opp 108 masker på str. 2-4 år) Dessverre (eller heldigvis?) viste det seg at alpa-garnet var tjukkare enn nøstebarn garn, så buksa vart ganske så stor kan ein sei.

Lure meg, fann då ut at eg berre kunne strikke den lenger, så ville den nok passe til den store 4-årige barnehagejenta som eg er så heldig å vere tante til. Som sagt så gjort. Lilla med rosa striper, to dagar på kurs og ein kveld på strikkekafè, og VIPS!

Hadde eg SÅ mange trådar å feste... Og dette er berre på den eine leggen...

Det blir SÅ mange trådar!! Men resultatet vart jo ikkje så gale då...

Lang og god, slik at den kan brettast opp, og brukast lenge under regnklede og bobledress.

Kjærleik i kvar ei maske! :)

Eg hekla ein tråd til å snøre saman buksa med, men eg trur eg må ta meg ein tur og sjå etter strikk i stadenfor...

Så... då var det berre å finne på noko nytt å strikke på...

Har du tips?

Eg veit ein deilig hage i ei lita heimbygd

2010-05-24T20:24:00.000+02:00

I pinsen har eg vore heime hos mams og paps i Playa del Heimbygd!

Fredagen var det nyydeleg vær, og eg sprang rundt og knipsa bilete med den flotte, fancy telefonen min. :)

Bakkane heime var fulle av løvetann og engkarse. Dei flotte blomane sto omtrent og tagg om å verta til ein fin liten blomekrans.

Etter å ha prøvd den på meg sjølv, fann eg ut at denne vetle karen såg mykje betre ut med krans på hovudet.

Eg sprang rundt og nynna på "Bind deg ein blomekrans" heile helga.

Denne vetle engelen sat så fint og såg opp mot ljoset.

Bak huset, står plomme-, og morelletrea i full bløming.

Frå hagen, har ein denne utsikta... Var det nokon som sa Noregsreklame? You have seen nothing yet!

Her er bygda frå den andre sida. Dei søte små "tissebææane" som eg kalla dei då eg var lita, låg så søte og rolege, sjølv om eg knipsa bilete. Fjord, fjell, grøne bakkar og søte små tissebææar. Kan det verta vakrare?

Oppdatering på strikkefronten kjem nok ein av dagane. Eg har ein kjole ferdig, som berre manglar nokre knappar.

I morgon og på onsdag skal eg på kurs, Zippys venner. Det kan verta interessant. Eg gler meg iallefall, og håpar at dette vert ei kjekk veke!

Sony Ericsson Xperia!

2010-05-16T11:34:00.000+02:00

Juhuu!!

Eg har fått meg ny, kjempefancy telefon!

Den er så fiiin!

No har eg lasta opp fiskespill, bubble burst, og wordsearch ( noko eg merker at kan verta farleg vanedannande...) :o)

Noko som og er flott med den fancy telefonen, er at eg har eit kjempebra kamera på den!

Eg har heile 8,1 megapixel kamera!

Dette bilete her tok eg frå terassen i

går. Nyyydeleg solnedgang.

Dessverre har eg slitt med migrene i helga, så det har ikkje blitt så mykje strikking som eg kunne tenkt meg.

Natt til laurdag var eg opp til neste 4 og kasta opp... Ikkje noko festleg!!

Eg håpar at det har sleppt taket for denne gongen, sjølv om eg kjenner antydning til hovudverk framleis.

Eg vil iallefall ikkje ha hovudverk i morgon, for då får me besøk av gode venner til grillparty!

Ha ein strålande 17.mai alle saman!!!

Shoes and orchids

2010-05-12T23:43:00.000+02:00

Eg må berre vise dei fantastisk tøffe skoa eg har arva etter farmor!

Er dei ikkje fantastisk kule? Eg prøvde dei fyrste gongen til jeans, og det passa heilt perfekt! Håper verkeleg at eg får anledning til å bruke dei snart!

Etter å ha sett på alle dei utruleg flotte bileta som fins ute i blogglandia, har eg satt opp nytt kamera på ønskelista. Kameraet vårt er ikkje spesielt bra, men i dag fann eg ut at eg måtte prøve meg på å ta bilete av dei flotte orkidèane mine! Dei har omtrent blomstra i eitt i eit år no! Eg trur dei likar seg godt i vinduskarmen min. :o)

Denne fekk eg av tanta mi i februar.

Flotte lillarosa blomar. Me like!!

Denne lyserosa fekk eg av husbond til bursdagen min for sikkert 5 år sidan. Har blomstra fleire gonger. Denne kvite fekk eg i innflytningsgåve av mams og paps då me kjøpte leilegheita for 1 1/2 år sidan. Eg ser no at eg har gløymt å ta bilete av den siste av orkideane. Den er også mørk rosa/lilla, men den er litt mindre enn den fyrste. I februar fekk eg og ei stor fredslilje (eg trur iallefall at den heiter det, correct me if I`m wrong)

I kveld ser eg fram til å nyte den lange helga som ligg framfor meg!

I morgon skal eg sove lenge, slappe av, og kanskje hjelpe ei veninne med eit strikkeprosjekt. På fredag skal eg sove lenge, og ta meg ein shoppingtur. På laurdag skal eg sove lenge, slappe av og kanskje besøke ei veninne. På søndag skal eg sove lenge... (merkar du eit gjentakande tema her? :o) )

Eg håpar DU får ei fantastisk helg, om den er lang eller kort!

Kom Mai du skjønne, mil... What?

2010-05-10T17:40:00.000+02:00

Eg er nok ikkje den einaste som bloggar om dette i dag, men eg kan ikkje dy meg. I dag tidleg (10.mai) våkna eg som vanleg 06.04, gnei søvna ut av augo og tusla i retning badet. I det eg skal til å gå inn døra slenger eg som vanleg eit blikk ut av stovevindauga. De kan nok alle gjette kva syn som møtte meg... Snø... SNØ!! SNØØØØ!!! Kva skjedde med våren, sommaren, global oppvarming?

Jammen er eg glad for at eg framleis kjører med vinterdekk (piggfrie)...

På radioen i dag tidleg trua dei med at det skulle snøe og sludde til langt ut på ettermiddagen, men heldigvis vart det avlyst. :)

Og jammen meg vart ikkje dagen berre betre, eg fekk vete at eg faktisk har jobb ifrå hausten av! (eg har berre eit årsvikariat som ressurslærar på 2. trinn) I frå hausten av fortsetter eg som ressurslærar, men på 1. trinn. Eg veit endå ikkje om det vert noko fast, eller om eg fortsetter i vikariat, men akkurat no er eg berre glad for at eg har jobb!! Hurra!!!

Og som om ikkje det var nok at eg har jobb, så skal eg faktisk jobbe ilag med tre andre fantastisk flinke damer! Eg gler meg!! (sjølv om dei eg jobber med no òg er fantastiske!)

Hipp hurra for våren, jobb og gode kollegaer, og la oss krysse fingrar for at snøen ikkje kjem tilbake før i desember!

Rillestrikka omslagsjakke

2010-05-08T14:09:00.000+02:00

Akkurat no er eg inne i ein periode der eg ikkje er heilt sikker på kva eg skal strikke. I vinter strikka eg mange store plagg til meg sjølv, så no for tida er det deilig å berre strikke småplagg. Derfor strikker eg meg gjennom boka Strikk til Nøstebarn. Det siste eg har strikka er ei rillestrikka omslagsjakke.

For å pynte opp litt, hekla eg tre blomar som eg sydde på nederst.

Knytebåndene laga eg ved å hekle luftmasker.

Eg er veldig fornøyd, og syns at jakka vart søt og fin. :)

Jakka er strikka ovanfrå og ned, så den var kjekk å strikke også. No prøver eg å strikke samme jakka i glattstrikk.

Ny blogg!

2010-05-08T13:54:00.000+02:00

Etter å ha blogga på her i fleire år utan å få den heilt store responsen, tenke eg at det er på tide å flytte litt rundt. Eg kjem til å skrive om strikking, hekling, håndarbeid, mine misslykka forsøk på å bli venn med symaskina og andre ting som foregår i livet mitt. Håpar på betre respons her, og eg vert veldig glad om du legg igjen ein kommentar! :)